Na Jaburibari auto a dal tras di scooter net dilanti Parke Curazon

Diamars atardi a drenta informe di un accidente cu hende herida na Jaburibari dilanti Parke curazon, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un scooter. Ta asinacu na altura di e entrada di Parke Curazon e Scooter lo a bay bira na su man robez pa drenta e Parke ora cu e Sentra pa un of otro motibo lo no a controla su velocidad y ni a mantene distancia a bay tras di e scooter geel benta abao. E manehador di e scooter a haya rasca na su elleboog y tabata bisa e personal di Ambulans cu e ta ok, e personal di Ambulans a puntre si ela dal su cabez y ela contesta cu no. E Sentra ta haya daño material parti dilanti.