Doño ta yega su cas na Sabana Basora y a haya 2 ladron na su cas

Diaranson mainta, alarma di un cas na Sabana Basora a bay on, mesora e compania di seguridad a jama e doño di cas avise, e doño di cas a bay di biaha su cas na yegada ta topa cu un hoben patras di su cas y e hoben ta cuminsa core, e doño su tras, mientras e doño ta coriendo tras di esun e otro cu tabata paden tambe ta sali na careda bay. E doño di cas a haya e bentana patras di su cas forza, aparentemente e dos hobennan aki lo mester a tuma nan tempo pa forza e bentana, nan a kita e rubber blanco cu tin rond di e bentana lanta e glas kita e palo y habri e bentana, nan no a spera cu hende lo a jega asina liher. No ta prome biaha cu nan a horta na e cas aki, tempo e ta den construcion tambe nan a drenta horta un airco split unit y un porta.