venezolano biba na Aruba a bay rondtrip cu famia y a accidenta na Casibari Rock Formation

Diahuebs mainta a drenta informe di cu un hende a kibra su pia den un caida na Casibari Rock Formation, mesora a dirigi un ambulans na e sitio. Na yegada di e ambulans nan a nota cu enberdad un persona a fractura su pia y tabata tin un herida cu tabata sangra hopi riba e piedranan di Casibari. Mirando e peso di e victima y e dificultad pa bay bahe a pidi colaboracion di bombero pa presenta na e sitio. Na nan yegada e personal di ambulans ya caba a prepara e victima y a logra bahe cu ayudo di bomberonan.