Accidente di cadena cu 3 auto envolvi na Shaba

Diahuebs merdia a drenta informe di un accidente di cadena cu 3 auto envolvi na Shaba, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena entre 3 auto. Ta asina cu un chofer no a regula su velocidad y ni a mantene distancia a bay dal tras di e auto su dilanti y e auto aki consecutivamente a bay dal esun su dilanti. Ambulans a presenta na e sitio y a atende e victimanan.