Accidente pisa cu resultado fatal pariba di Rococo Plaza, quadracer a desvia pa auto cu lo a sali su dilanti

Diadomingo a drenta informe di un accidente basta pisa na Shiribana, mesora a dirigi tanto polis como ambulans na e sitio. Na yegada di e patruya a bin compronde cu un pick-up blanco F150 a sali for di e caminda di Shiribana net ora un grupo di coredornan di quad tabata pasando, un di nan mester a desvia y a perde control bay dal riba un palo di lus. E pick-up mes a sigui core bay, polis ta buscando e pickup aki pa interogue. E impacto tabata fuerte, na yegada di ambulans a nota cu no tabata tin señal di bida y a solicita presencia di un dokter. Na yegada di dokter Mungra no a keda nada otro cu constata cu e hoben Joey Andre Figaroa naci na Hulanda 19 februari 1996 y tabata biba na Hulanda y apenas e tabata tin 3 dia di a yega Aruba cual ela bin pasa vakantie. E ta e unico yiu, nos ta extende palabranan di condolencia na su famia.