Na Catiri chofer a perde control y a bay dal riba palo di lus y a keda pega den auto

Diadomingo atardi a drenta informe di un accidente cu hende pega den auto na Catiri, mesora a dirigi tanto polis como ambulans y tambe equipo di rescate di cuerpo di bomberona e sitio. Na yegada di e patruya a bin compronde cu e chofer pa un motibo of otro a perde control y a bay dal riba e palo di lus. E impacto tabata fuerte te cu e chofer a keda pega den e vehiculo. Na yegada di ambulans nan a atende e victima y na yegada di e equipo di rescate di bombero a bay over na corta e auto pa asina logra saca e victima. Unabez cu e victima a aser saca ela ser transporta cu urgencia pa hospital.