Atraco riba trahador di pompstacion na Valero Oranjestad, atracadornan a bay cu 3000 florin

Diahuebs anochi a drenta informe di un atraco na Valero Oranjestad, mesora a dirigi patruynan na e sitio. Na yegada di e patruya a bin compronde cu aki ta trata di un atraco riba un trahador, ela ser atraca pa un persona arma cu un revolver. E atracador a ranca e tas di plaka y a core bay direccion zuid. Mesora ela bati alarma, atraco team y tambe slachtofferhulp a presenta na e sitio pa papia cu e trahador kende a haya un susto di su bida. Valero Oranjestad ta completamente proteha pa camara di seguridad cu sigur lo a capta e atracador aki. E atraco aki ta den man di atraco team pa mas investigacion.