Door di kortsluiting un bombillo a explota den un cas na Druivenstraat

Diabierna mainta a drenta informe di un cas na candela na Druivenstraat, mesora a dirigi tanto polis como bombero na e sitio. Na yegada di e patruya a bin compronde cu aki door di un kortsluiting un bombillo lo a explota y huma a cuminsa sali. E damanan cu ta biba eynan a actua mesora y a saca loke nan por a saca por si acaso candela expande y kima tur nan pertencia nan. Na yegada di bombero nan a controla e cas y no a ripara nada particular. Elmar a ser pidi pa presenta pa asina wak e instalacion electrico, nos por a nota cu nan a kita e fuse nan pa evita mas problema. Mester remarca cu e luga aki ta basta bieuw, pues lo ta bon pa Elmar controla e coriente bon pa evita kortsluiting y preveni candela.