Polis a confisca scooter sin documento, e motociclista mes a core bay

Diabierna mainta durante cu polis tabata atendiendo un asistencia, e ofcialnan di e brigada motoriza a nota un persona riba un scooter cu tambe lo a pasa eybanda y lo tabata wak kiko ta pasando. Loke a hala nan atencion ta cu e scooter no tabata tin nummer plaat, mesora nan a sali bay su tras y a pare pa controla. Ora cu nan a acerca e persona aki e lo a trata na core bay, pero un poco mas pa zuid den e mes un caya nan ta logra pare pero e persona riba e scooter si ta logra huy. Pickup di Polis a ser pidi pa transporta e scooter pa warda.