Turista bishitando Aruba pa 19 aña caba a bira victima di ladronicia, ta cobre pa tire nobo pero a pone tire bieuw

Diamars merdia nos a bin encontra cu un situacion masha desagradable mes pa algun turista cu tin 19 aña bishitando Aruba anto ta haya nan mes ta bira victima di ladronicia ora cu ladronnan a bay cu 2 tire cu ream completo for di nan auto di huur. No ta esey so esaki ta e 6 biaha pa e luna aki cu algo similar a sosode na e mesun hotel aki y hotel a laba su man cu e asunto. Pa corona e obra e compania di huur ta cobra e turista pa 8 nut nobo y tambe 2 tire cu ream. Mientras a pone 6 nut nobo y a pone 2 wiel bieuw bao di e auto anto ta cobra e turista US$ 581,00. Scucha e declaracion di e turista y wak e pruebanan pa saca boso conclusion. (nos a compronde cu papel di e wielnan ta djies un offerte mientras esun di e nut si ta un recibo)