Oficialnan di Cuerpo Policial a ricibi reconocimiento pa nan bon trabao eherci

“Algun colega di recherche a ricibi reconocimento”

Alto mando di Cuerpo Policial di Aruba a invita diferente funcionario di diferente seccion di recherche pa ricibi un reconocimento. Diferente colega a destaca den nan trabou y p’esey nan a wordo propone door di nan chefnan pa ricibi un reconocimento (oorkonde).

Esey a pasa durante dos reunion di Alto Mando Policial y e hefe di polis sr. Richardson a papia cu e coleganan y a splica nan entre otro kico tawata e consideracion pa duna e reconocimento aki. El a enfatisa cu e “oorkonde” no ta aki simplemente un pida papel, pero cu e ta algo cu un balor cu no ta kita durante tempo y cu den cualkier momento e oorkonde aki por hunga un rol si un decision mester wordo tuma pa pone un persona den un funcion of duna e persona un tarea special. Korpschef a gradici nan pa nan bon trabou y anima nan pa sigi duna lo mihor di nan mes pa optimaliza e servico na pueblo.

E coleganan cu a ricibi un reconocimento ta: R. Marsdin, C. Muller, G. Dammers, R. Martina, L. Richardson, J. Werleman, E. Blom, S. Ras y D. Wernet.

Riba e fotonan adhunto:
(1) S. Ras y D. Wernet.
(2) E foto di e prome grupo: R. Marsdin, C. Muller, G. Dammers, R. Martina, L. Richardson, J. Werleman y E. Blom;