Na Cumana auto a dal 2 peaton burachi cu a subi caminda y cruza sin pone atencion na trafico

Diabierna anochi a drenta informe di cu un auto lo a dal 2 persona na Cumana, mesora a dirigi tanto polis como ambulans na e sitio. Na yegada di e patruya a bin compornde cu 2 persona bao influencia a bay cruza caminda sin wak y a debolbe net na e momento cu un auto tabata bayendo pariba y a dal ambos peaton. Un di nan a haya un sla basta fuerte na su cabez mientras e otro tabata keha di dolor na schouder y braza. Na yegada di ambulans nan a atende ambos victima y a transporta nan pa hospital.