Hoben chofer coriendo auto bao influencia a perde control dal riba palo di lus y bay dal muraya di cas

Diasabra madruga a drenta informe di un accidente cu hende herida na Washington, mesora a dirigi tanto polis como ambulans na e sitio. Na yegada di e patruya a bin compronde cu e hoben chofer coriendo auto bao influencia lo a perde control dal palo di luz y despues bay dal riba muraya di cas. E impacto tabata basta fuerte cu a causa basta daño material y a laga e chofer herida. Na yegada di ambulans nan aatende e victima y a transporte pa hospital. Polis tambe a bay na hospital pa detencion di e chofer pero debi cu esaki a keda interna polis a lague na hospital. Un otro informe ta indica cu probablemente e asunto di interna e chofer na hospital lo tabata un excusa pa polis no a hiba e chofer sera na warda di polis ya cu e hoben a ser mira mainta mes na su cas ta cana pafo manera nada a sosode.