Tin algo pasando cu automobilistanan den trafico, den menos di 24 ora 4 auto a bolter

Diasabra marduga a drenta informe cu na altura di Maiky’s na Hooiberg un auto lo a bolter, mesora a dirigi tanto polis como ambulans na e sitio. Na yegada di e patruya a bin haya un Toyota Yaris hinka cu e parti patras den e mondi. E auto aki pa un motibo of otro lo a bolter y bay cay bek ariba su 4 wiel nan. Confusion a cuminsa ora cu e dama na stuur lo a nenga cu e tabata stuur mientras testigonan na Maiky’s a bisa di a wak e dama baha for di e porta di chofer. Confusion a sigui cu lo tabata tin un mucha di 5 aña den e auto y cu e lo a ser baha y hiba cas. Na yegada di ambulans e dama a bisa di no tin mester di ayudo medico. E dama a ser puntra pa e mucha y tambe cu e mes lo ta responsabel si acaso e mucha a haya sla. Polis a keda puntre varios biaha y e ta bisa cu e no tabata stuur pero cu ta e guy tabata na wiel di e auto. Polis nan a bandona e sitio mirando cu ta un accidente unda no tin otro auto of otro propiedad envolvi. E dama mes mester a regla takelwagen pa su auto a keda total loss.