Hoben motociclista a bolter cu su quadracer na e birada pariba di Tamarijn Hotel.

Diasabra marduga a drenta informe di un accidente cu hende herida na e birada pariba di Tamarijn Hotel, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un hoben ta perde control cu su Quadracer, bolter y bay cay algun meter riba e pida yerba net pazuid di e lusnan di trafico di Fatum. Door di e boltermento e motociclista a resulta herida, na yegada di e ambulans nan a atende e victima y a transporte pa hospital.