Pelea formal na Silver Palace a termina cu un hende corta y tabata sangra hopi

Diasabra marduga a drenta informe di un pelea formal na Silver Palace esta Ex Oriental Bar Restaurant patras di Bestuurskantoor, mesora a dirigi un patruya na e sitio. Na yegada di e patruya a bin compronde cu un pelea formal lo mester a tuma luga parti paden y un persona lo a haña un corta basta bon y tabata sangrando profusamente. E victima tabata para pafo sin t-shirt y tur na sanger. Versionnan cu a core na e sitio ta papia cu e cabayero aki lo a bay defende of ta stop un problema andando y eynan cos a bay for di man unda a bay te hasta cu mandamento di stul, dal otro cu taki billiard etc.etc. Den e pelea cu tabata tin, varios hende aparentemente tabata bringa y eynan e meneer aki a haña un corta sin sa ta ken a corte. Tanto e agresor como e sobrino a baha na awa. E cabayero tabata hopi emociona pa so e kier a sa ken a corte. Un amigo di dje na e sitio a transporte pa Hospital mirando cu tur Ambulance tabata ocupa na e momento ey. Mester tin mas Ambulance of personal trahando ariba weekend, mirando cu si tabata un caso di bida of morto ta con esey lo a termina?