Chofer cu no a regula su velocidad ni mantene distancia a dal tras di auto ocasionan un accidente di cadena

Diasabra anochi a drenta informe di un accidente cu hende herida na Camacuri, mesora a dirigi tanto polis como ambulans na e sitio. Na yegada di e patruya a bin compornde cu e chofer di e Hyundai Getz blanco A48205 bayendo direccion pariba no a regula su velocidad y ni a mantene distancia y a bay dal tras di e pick-up Toyota Hilux blanco A16737 cual consecutivamente a bay dal e s.u.v. su dilanti. Debi na e impacto varios persona a resulta herida cual mayoria di nan tabata mucha. Na yegada di e ambulans nan a atende e victimanan.