Caminda muha a pone vehiculo slip y bay dal riba truck militar
Seccion: incidente
Diamars mainta a drenta informedi un accidente cu hende herida riba e brug di balashi, mesora a dirigi tanto polis como ambulans na e sitio. Na yegada di e patruya a bin compronde cu debi na caminda muha e vehiculo a slip y a bay dal riba e truck militar. E impacto tabata fuerte y e dama chofer a resulta herida. Na yegada di e ambulans nan a atende e dama y a transporte pa hospital.
