Chofer a perde control y a bay dal riba un brug di rooi chikito dilanti santana na Paradera

Diahuebs anochi a drenta informe di un accidente dilanti Santana di Paradera,mesora a dirigi un patruya na e sitio. NA yegada di e patruya a bin constata cu un auto lo a cay den un rooi chikito cu tin eynan, e auto Kia Cerato shinishi A2606 tabata completamente sera. Un bisiña a wak e chofer bandona e sitio den un otro auto. E auto a haya basta daño material y e chassis lo a dobla tambe. E auto tabata bin di pariba cu un velocidad halto y pa un of otro motibo ela hala na su man robes y ora e ta jegando e muraya abao na e rooi e ta brake dal den e muraya tog y a sigi lastra bay para den e matanan. Mientras cu Polis ta eynan un Takelwagen ta jega y ta bisa cu e doño lo a manda nan busca e auto, pero ya caba polis mes a pidi un takelwagen. E otro Takelwagen mester a bay bek sin niun auto. E auto a ser hiba na warda di polis en espera di e doño.