Varios auto a ser horta y tambe destrui y desmantela, no tin solucion na bista

Diahuebs for di den oranan di madruga te den oranan di atardi polisnan a bin ta señalando autonan horta. Den madruga a bin logra haya un Hyundai Accent preto cual a ser laga atras na Sabana Basora, un rato despues a bin haya un Vwagen Kia cu a ser laga atras riba e veld di Centro di Barrio Playa Pabao y asina a sigui raporta mas autonan horta cu a ser horta destrui y algun hasta completamente desmantela manera e auto aki cual a ser encontra na Warawara Santa Cruz unda a bin encontra cu e Toyota Yaris aki completamente desmantela memey den e mondinan. Ta parce cu no tin solucion na bista y e crimen aki ta creciendo bira asina grandi cu ya pueblo su buchi a cuminsa yena cu si gobierno of autoridad no haci nada, pueblo mes lo actua!