Polis persiguiendo un auto horta a logra captura 2 di e 3 sospechosonan entrenan e fugitivo R.A.

Diasabra madruga polis atento a nota un Hyundai Accent color oro V747 di Amigo Car Rental, cual a ser horta for di Marriott. Mesora a start un persecucion cual a bin termina pabao di e Veld di Jong Aruba unda e 3 sospechosonan a core na pia den un hanchi den e mondi y sali banda di misa. Eynan polis a logra captura 2 di e 3 di e sospechosonan. Un di e sospechosonan a bin resulta di ta e conocido di polis e hoben naci na Colombia Ruby Alfi. Cual a ser deteni mas di 4 biaha e aña aki y ultimo aki huescomisario a lague bay. Algun dia pasa un patruya a logra gare cu un otro auto horta y na momento di detencion ela logra huy cu boei na un banda di man. E individuonan aki cu a horta e auto tabata tin e curashi di core e auto cu e mesun number di e auto horta. Den e auto a bin logra haya droga tambe den e auto. Nos lo sigui informa..... Y aki un rato mas di e fotonan lo ta aki riba.