Centro di Innovacion Dr. Cheung atrobe victima di ladronicia, atrobe tubo di koper a ser horta

Diadomingo mei anochi personal di WEB NV na warda a ser dirigi na altura di e Europa Huis ariba Sasaki. Na nan yegada nan ta bin haya cu un biaha mas ta trata di ladronicia di koper. E ladronnan aki sin ningun clase di berguensa of miedo ta saca un tubo dilanti TNO ariba Sasaki doble y keda doble te ora e kibra pa nan hañe. Nos a por a wak un gran catidad di awa cu a bay perdi,siendo cu hopi hende ta den necesidad aki na Aruba. Tambe nos a ser sinforma cu ta cos cu ta pasa casi tur dia, y te cu awor nada ta ser haci. WEB ta pensa pa cambia tur su tuberia, pa ki tempo esey nos no sa, mirando cu ta un trabao hopi grandi. Probablemente ta tubo nan galvanisa lo ser usa e biaha aki. Segun e personal e pida tubo horta aki e ladron tin un 200 pa 300 florin ora e cambie. Locual cu a hala nos atencion ta cu tabata tin guardia di seguridad ta cuida e lugar pero parce cu e no tey mas of e tabata spoorloos!