Guardia cu a sorprende ladronnan di auto a ser bombardea cu baranca y donderboos

Diadomingo marduga a drenta informe di cu na Sasaki Apartments un guardia di seguridad a atrapa algun persona ta purba horta un auto di huur y e hendenan aki a cuminsa manda donderboos y piedra riba e guardia, mesora a dirigi algun patruya na e sitio. Na yegada di e patruyanan a bin comprode cu e Security eynan lo a atrapa algun persona hortando den un Toyota Yaris. Tabata trata di 3 pa 4 persona y tambe tabata tin in Pickup blanco hunto cu nan. E ladronnan aki un tiki mas nan lo a logra bay cu e auto. Ora cu nan a wak e Security Guard nan tabata tin Donderboos cu nan y a cuminsa sende nan y manda nan den direccion di e Security cu mester a core paso piedra piedra tambe tabata ser manda den su direccion. Asina aki e ta logra bati alarma y ora cu nan a tende nan a core y bandona e sitio. Ta increibel e caso aki, awor nos sa cu ta un team ta yega y ta cuminsa desmantela e auto den cuestion di un par di minuut. Pero e biaha aki nan e ser stroba,sino ta un golpi mas pa Aruba. E auto ta pertenece na e compania Top Drive, polis a pidi Takelwagen pa hiba e auto warda mirando cu a keda un monton di vingerprint riba e auto.