Chofer colega di prensa a dal riba baranca patras di Palm Beach Plaza y a resulta herida

Diadomingo anochi a drenta informe di un accidente cu hende herida pariba di Palm Beach Plaza, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Ford Everest shinishi A29776 cual tabata pasando cu velocidad basta halto den e hanchi patras di Paseo Herencia y Palm Beach Plaza pero e chofer no a realisa cu e tabata yegando e birada y a lubida di baha velocidad y na ultimo momento a brake pero tabata tin santo riba e caminda y e vehiculo a slip sigui straight subi acera, bay dal un baranca grandi canto di caminda pusha manda esaki cu e vehiculo bay para te riba e caminda principal, pa suerte no tabata tin auto riba e caminda ey sino esaki lo tabata desastroso. Door di e impacto fuerte aki e chofer a resulta herida na yegada di ambulans nan a atende y a transporte pa hospital. E chofer ta trata di un colega di prensa cu ta saca foto pa un otro media. Den nomber di e team di awe24.com nos ta desea Norben un pronto recuperacion.