Remetido: Den un editorial den matutino Diario sr. Jossy Mansur ta indica Dowers como un minister problematico

No ta for di awor, pero ta di basta tempo cu awe24.com a bin ta señalando cu e maneho di minister Dowers ta malisimo y ta causando hopi daño na e aprecio cu pueblo tin pa su gobernantenan. Cu na lugar di drecha e relacion cu su departamentonan e ta pone un postura cu ta e so tin razon. Su maneho pa cu justicia ta uno basa riba mentira y ta insulta inteligencia di pueblo, door di bisa cu no tin criminalidad y cu ta unicamente un "percepcion". Ta varios aña nos a bin ta pidi pa lanta un team pa combati joyriding pero nada no a sosode, te ora cu ladronnan a joyride e pickup di un parlamentario y nan a horta e bateria cu asina so a dicidi di lanta e team pa combati hortamento di auto. E minister aki ta esun cu di berdad a busca autonan nobo pa polis pero a baha e cantidad di polis na warda. Na cuerpo di bombero mes ela haci un desaster y ta blo engaña e oficialnan di bombero te cu nan a haya nan mes ta hiba e minister dilanti hues. Den enseñansa e minister a bruha un cantidad di cos y awor enseñansa ta den decadencia. Asina por sigui menciona varios puntonan. Pero awe den un editorial scirbi pa sr. Jossy ta afirma cu Dowers a laga di desea. Ta hopi di esnan cu ta di e mesun partido di Dowers mes tambe ta vocifera esaki. Si acaso e gobierno aki kier keda e mester move Dowers anto liher!