Na Tanki Leendert un accidente entre 3 auto y un truck a laga 2 hende herida

Diaranzon atardi a drenta informe di un accidente basta serio cu hende pega den auto, mesora a dirigi polis, ambulans y cuerpo di rescate di bombero. Na yegada di e patruya a bin compronde cu e chofer di e Suzuki Grand Vitara shinishi A28294 biniendo for di zuid a haya un chance for di un auto chikito color geel cu tabata bayendo pariba, pero e chofer di e Suzuki no a ripara cu tabata tin un Nissan shinishi A48958 cu tabata bini di pariba y a bay dal riba e Suzuki. E impacto tabata asina fuerte cu a manda e Suzuki touch un S.U.V. Toyota shinishi A47377 cu tambe tabata bay pariba y despues e Suzuki a bay dal den banda riba un truck di Serlimar D496 cual tambe tabata bay pariba mientras e Nissan a bay plama riba un pilar di skina di e cas net panort di caminda. E chofer di e Suzuki a keda levemente herida mientras e chofer di e Nissan a ricibi heridanan mas serio y a keda pega den auto. Na yegada di e cuerpo di rescate di bombero a logra libera e chofer y na yegada di ambulans nan a atende e victimanan.