Dilanti di Hulpbestuurskantoor na Paradera accidente cu 4 auto envolvi y hende herida

Diamars mainta a drenta informe di un accidente cu hende herida dilanti Hulpbestuurskantoor na Paradera, mesora a dirigi tanto polis como ambulans na e sitio. Na yegada di e patruya a bin constata cu aki ta trata di un accidente di cadena entre 4 auto unda e chofer di e Toyota Starlet biña A48972 bayendo pabao no a regula su velocidad ni a mantene distancia a bay dal tras di e Ford Escape preto A4549 cual consecutivamente a bay dal tras di e Suzuki Alto color di oro A14523 y asina esaki a bay dal tras di e Toyota Yaris shinishi A31965. E impacto tabata fuerte y un damita ocupante den e Starlet a resulta herida. Na yegada di ambulans nan a atende e damita y famianan mes a keda di hibe dokter pa controle.