Accidente na e cruzada di Paradera pa bay Jaburibari

Diamars merdia a drenta informe di un accidente cu hende herida na e crusada di Paradera pa Jaburibari, mesora a dirigi tanto polis como ambulans an e sitio. Na yegada di e patruya a bin compronde cu e chofer di e Nissan Sunny a bay lora pa bay Jaburibari, y no a duna e Toyota Yaris bahando di pariba preferencia. Segun e chofer di e Yaris, Debi na impacto fuerte e Nissan Sunny a dal mande patras. Polis di Trafico papiando cu e chofer di e Nissan Sunny ela nota cu e chofer a bebe alcohol. E meneer despues a bisa Polis cu ela dal un par di drinks na cas di su mama y lo tabata bayendo cas. Ela ser deteni mes ora y ta ser hinka den auto di Polis. Ambulance a presenta tambe pa controla e señora di e Toyota Yaris cu a sinti su schouder. Takel wagen di Polis mester a kita e Nissan Sunny for di caminda.