Na un cas na Tanki Leendert 3 auto y un cas kima, a haya droga y a haci 3 detencion

Diasabra madruga adrenta informe di cu tin 2 auto na candela na un cas na Tanki Leendert, mesora a dirigi un unidad di bombero na e sitio. Na yegada di bombero a bin constata cu aki no ta trata di 2 pero 3 auto y un cas na candela, dibiaha nan a inicia combati e candela. Durante di e combate di e candela e bomberonan a pidi presencia policial ya cu tabata mira cu hendenan tabata sacando poco cosnan den un forma sospechoso for di e cas. Na yegada di e patruya a start un investigacion na e sitio y a bin haya sa cu tabata tin droga na e cas y esnan cu tabata drenta sali tabata saca mata di marihuana for di e cas, mesora e agentenan a detene tanto e 2nan cu ta biba na e cas como tambe esun cu a yuda saca e matanan di marihuana. Polis a confisca tur e matanan di marihuana y a hiba e sospechosonan na warda di polis pa mas investigacion. For di algun persona na e sitio nos a compronde cu e anochi prome ya caba nan a kibra drenta horta den e cas y cu e asunto aki lo por ta trata di un asunto di reglamento di cuenta. Wak e video aki un rato............