Polis a bay na club nocturno pa atende hendenan humando marihuana

Diasabra marduga polis a bay na Club Hipsz, situa banda di Eagle Bowling. Aki nan a bay atende cu un grupito cu lo tabata humando marihuana eynan of den e luga, y causando molester na e otro bishitante nan. Na e sitio a presenta 2 Patruya y asina ta mustra presencia di polis. E persona nan mes dimes ora nan a wak polis ta hala kita of ta benta e sigaria afo. No por ta asina cu hende drechi ta bay pa disfruta di nan weekend anto un grupo ta bin huma marihuana unda nan ta y daña ambiente. Ningun hende a ser deteni.