Chofer di Avalanche ta ocasiona accidente na Bubali y ta bandona e sitio

Diasabra marduga a drenta informe di un accidente cu hende herida riba e caminda di Bubali poco pabou di Quinta Del Carmen, mesora a dirigi tanto polis como ambulans na e sitio. Na yegada di e patruya a bin compronde cu e chofer di un Chevrolet Avalanche biniendo for di pabao pa un otro motibo a perde control y ranca un palo di luz completo, di eynan e ta kita bay na su man drechi basha un cura abao. E auto a ricibi daño material considerabel. Polis no a haya e chofer na e sitio y a cuminsa busca rond wak si por a haña e chofer pero nada. A presenta Ambulance tambe mirando cu e persona esta e chofer mes a yama pidi pa Ambulance paso supuestamente e ta herida. Ambulance tambe a busca den vecindario pero te caminda cu nos sa sin ningun resultado.