Chofer di 16 aña di edad a dal un homber di edad mata na Tanki Leendert

Diasabra anochi a drenta informe di un accidente basta serio dilanti di Cafe capri na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu un mucha di 16 aña taba stuur un auto Chevrolet Cavalier color oro A31509 y a dal un homber di edad. Na yegada di ambulans a bin constata cu e victima tur na sanger a fayece. E victima a muri instantaneamente na e sitio mes. Ta trata aki di Francisco R. Dijkhoff di 69 aña y cu tabata biba na Catiri, nos ta extende nos mas sincero palabranan di condolencia na famianan di e fayecido. E video y e otro fotonan lo tey den un instante.

Version policial: Diasabra anochi, pa mas o menos 9.45, central di polis ta wordo notifica di un accidente grave cu a tuma lugar riba caminda di Tanki Flip pa Kibaima, na haltura di Cafe Capri na Tanki Leendert.
Patruyanan cu ta yega na e sitio ta bin topa cu e victima riba caminda y cu no ta duna señal di bida. Segun informacion ricibi na e sitio, e victima lo a sali for di un negoshi den vecindario bayendo probablemente direccion cas ora ela ser atropeya pa e auto A-31509 (Chevrolet Cavalier color di oro), maneha pa un hoben di 16 aña. Ela ser deteni pa investigacion. Segun informacion, a test e pero NO a constata cu e ta bebi tras di stuur.

Dokter a bin na e sitio y a constata morto di e victima:

Francisco Ricardo Dijkhoff

nasi na Aruba dia 14 di april 1943

biba na Catiri 19.

autoridadnan competente ta na e sitio y ta investigando pa saca afor dicon e accidente aki a tuma lugar.
Slachtofferhulp di Polis tambe ta na hospital pa sostene e famianan.
Di parti di Cuerpo Policial ta manda palabranan di condolencia na e famianan di e fayecido.