Dilanti cantidad di turista dilanti area hotelero, hobennan baldadi a tira objeto riba bus kibra bentana

Diasabra anochi a drenta informe di cu dilanti ex-edificio di Hooters dilanti hotelnan highrise hobennan baldadi a manda objeto y a destrui bentana di bus, mesora a dirigi un patruya na e sitio. Na yegada di e patruya bin compronde cu hobennan baldadi a manda un objeto cual a bay destrui bentana di e bus di Arubus. Aunke tabata tin pasajero abordo afortunadamente ningun di nan a ricibi herida di gravedad. Pero locual ta indignante ta cu ta comete e fechoria aki dilanti cantidad di turista y den un area turistico. Cual sigur lo ta mal impresion pa nos turismo.