Na Bubali dama chofer a perde control bay dal su cara basta duro riba pilar di skina

Diadomingo madruga a drenta informe di un accidente basta pisa na Bubali, mesora a dirigi tanto polis comno ambulans na e sitio. Na yegada di e patruya a bin nota lo bay tin mester di e equipo di rescate di bombero. Nan a nota cu e dama chofer lo a dal su cara basta duro riba e skina di e pilar cu te hasta su cabeynan di wowo y wenkbrouw a keda eynan pega. Na yegada di ambulans mesora nan a cuminsa atende e dama chofer. Segun por a compronde e dama chofer di e Jeep Liberty preto A51273 coriendo cu velocidad basta halto a perde control y a bay dal riba un pilar di skina bastante fuerte. Na yegada di e equipo di rescate di bombero mesora nan a logra saca e dama pa asina ambulans transporte cu urgencia pa hospital.