Comunicado policial ta participa oficialmente fayecimiento di victima di accidente na Bubali

Comunicado policial:
Nos tristo deber di informa boso cu awemainta, pa 07:14 ora, Dr. B. Croes a constata morto (na hospital) di:

Noaly D.Z. Tromp
nasi Aruba 16 di Oktober 1992
Boegoeroei 27-A.

E tabata envolvi den e accidente grave na Bubali ayera marduga y tabata hopi grave den ICU. Tabata teme lo peor pero toch cu speransa cu e lo recupera. Lastimamente su lesionnan tabata demasiado grave. E tabata ruman muher di un colega di nos di KPA cu ta J. Tromp.

Fiscal a tuma e curpa den beslag pa autopsia.
Na nos colega, su famia y conosirnan di e victima ta bay nos mas profundo sentido di pesame.

E ta e di dos victima fatal di trafico di e weekend tras di lomba y e di 14 victima fatal pa e aña aki.

awe24.com tambe ta uni su mes pa manda palabranan di condolencia na famia di e victima.