Polisnan atento a atende cu un persona cu a resulta di ta un atracador pero ela bringa y logra huy

Dialuna madruga pasando banda di Caribbean Palm Village un patruya atento a nota un persona sospechoso lomba sunu cu un rugtas blauw sinta den un Toyota Tercel cora, mesora nan a bay atende cune. Ora a bay check cune ela bringa contra polis y a logra bula e cura di Caribbean Palm Village y a desaparece. Na momento cu a lucha cune a logra keda cu e rugtas. Den e rugtas polis a logra haya un revolver 38 special, un bivak muts perfectamente traha pa comete un of mas atraco. Polis a confisca esakinan y a start cu un investigacion mesora. Esaki ta trata di un posibel atracador cual den forma preventivo y cu hopi atencion polis a logra mira y atende cune. Aunke cu ela huy e polisnan ta corda su cara y sa ken e ta, un momento of otro e lo ser captura.