Pazuid di e rotonde Seroe Blanco chofer di auto no a wak e ciclista y a dal e

Diamars mainta a drenta informe di un accidente cu hende herida pazuid di e rotonde Seroe Blanco, mesora a dirigi tanto polis como ambulans na e sitio. Na yegada di e patruya a bin compronde cu e auto lo a dal un ciclista. E ciclista tabata keha di basta dolor. Ta asina cu e chofer di e auto BYD lo no a wak e ciclista na su man drechi y asina ta dal e bente abao. E ciclista a haña rasca na heup y tambe sla na schouder. Na yegada di Ambulance nan a atende y a transporte pa hospital. Polis di Playa a bay cu e bicicleta pa warda pa e pasa buske despues ora e bira bon.