Homber a haya trabao ayera na un compania y awe a maltrata colega cu martiew den auto

Diamarsa mainta a drenta in forme di un caso di maltrato pisa cu un martiew na e cruzada banda di Piet's, mesora a dirigi tanto polis como ambulans an e sitio. Na yegada di e patruya a bin compronde cu un homber cu tabata cu un colega di dje den De La Sallestraat biniendo di pariba na e lusnan di trafico banda di Piet's para pa bay zuid na un dado momento a core baha herida for di un pickup di un compania y pa scapa su bida a core bay zuid gritando pa auxilio, mientras e otro colega baha for di banda di pasahero y a bay na e banda di chofer sigui straight cu e auto y a bira bin bek pariba buscando su colega pero no a mir'e ya cu ela bula muraya y sconde tras di esaki. E chofer a sigui bay pariba cu e pick-up. E victima tabata declara cu un colega nobo di dje cu a cuminsa traha ayera a maltrate cu martiew y e tabata tin 3 buraco hundo riba su cabez y tabata sangra profusamente. Na yegada di ambulans nan a atende e victima y a transporte cu urgencia pa hospital. Entre tanto e chofer a yega cu e pick-up di ne compania laga esaki para y a subi su auto y bandona e sitio. Polis sa ken e sospechoso ta y ta en busca di dje. E victima mes tin 2 luna ta traha pa e compania y ta un bon trahador cu no sa busca problema.