Mientras pareha turista tabata drumi den camber di e hotel, ladron a drenta y horta varios pertenencia.

Diaranzon mainta a drenta informe di un caso di ladronicia na un camber na Divi Dutch Village, mesora a dirigi un patruya na e sitio. Na yegada di e patruya a bin compronde cu un pareha turista kedando na e hotel mientras nan ta drumi desconocidonan a pasa via e balcon drenta den e camber y a bay cu un I-phone, un camara, un holoshi, US$ 150 cu tabata den un cartera y tambe nan a bay cu 2 paki sigaria. Esaki ta un mal-experiencia pa e turista y ta causa daño na nos industria turistico. E investigadornan tecnico a keda di pasa pa tuma e vingerprintnan cu a keda marca.