2 mucha herida den accidente na Santa Cruz un di nan a ser hiba den ambulans pa hospital

Diabierna atardi a drenta informe di un accidente cu hende herida na Santa Cruz dilanti di Taco Bell, mesora a dirigi tanto polis como ambulans na e sitio. Na yegada di e patruya nan a compronde cu aki ta trata un accidente unda un chofer cu no a regula su velocidad y ni a mantene distancia a bay dal tras di e auto su dilanti. Den e accidente aki 2 mucha a resulta herida y un di nan a bay off y despues di un rato a bolbe bin bij, na yegada di ambulans nan a aatende ambos mucha y a hiba esun cu a bay off un rato pa hospital.