Cu colaboracion di ciudadano conciente polis a logra captura ladron y a haya hopi articulonan horta

Diabierna anochi un ciudadano conciente a dicidi di yama polis ya cu tin hopi cos cu no ta di dje na su apartamento, mesora a dirigi un patruya na e sitio. NA yegada di e patruya a bin compronde cu un ciudadano conciente a nota varios articulo cu no ta di dje den su apartamento y cu e ta sospecha di cu esakinan ta procedente di ladronicia y cu ta un hende cu ta keda cerca dje lo a horta esakinan. A yama pidi fiscal pa asina polis por drenta y confisca tur e cosnan cu tabata tin eynan y cual algun cos a ser compronba cu ta procedente di ladronicia. Net na e momentonan a yega esun responsabel pa a trece e cosnan aki a yega mesora polis a detene y a listra den su auto unda a haya varios articulo y joyas procedente di ladronicia ademas a bin haya tambe toolsnan pa comete ladronicia. Ela keda deteni y hiba na warda di polis.