Na Tanki Leendert chofer burachi lo a dal tras di auto baha caminda bay dal trankera

Diasabra madruga a drenta informe di un accidente cu hende herida riba e caminda di Oranjestad pa Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Toyota Yaris shinishi A47369 no a regula su velocidad y ni a mantene distancia a bay dal fuertemente tras di e Suzuki Baleno blanco A56412 y despues a baha caminda y a bay dal den trankera. Un dama ocupante den e Baleno a resulta herida, na yegada di e ambulans nan a atende e victima y a transporte pa hospital. Polis a detene e chofer di e Yaris pa hibe pasa test.