Homber di edad a resulta herida den un accidente na Boegoeroei unda ela sali sin duna preferencia

Diasabra mainta a drenta informe di un accidente cu hende herida na Boegoeroei dilanti Hong Fa, mesora a dirigi tanto polis como ambulans na e sitio. Na yegada di e patruya a bin compronde cu e chofer di e Buick Century blanco A1695 a bay sali for di e caminda pazuid di Hong Fa pero no a ripara cu un Chevrolet Epica blanco A42925 tabata bini di pazuid y na ultimo ora a purba sali den pura pero asina mes e Chevrolet a dal e. E impacto tabata basta fuerte y ambos chofer a resulta herida levemente. Na yegada di ambulans nan a atende ambos victima y a transporta unicamente e chofer di e Buick pa un control na hospital.