3 persona a resulta herida den un accidente basta serio dilanti Pacifico Paradera

Diadomingo marduga a drenta informe di un accidente cu hende herida dilanti Pacifico Paradera, mesora a dirigi tanto polis como ambulans na e sitio. Na yegada di e patruya abin compronde cu tin 3 hende herida y cu ta rekeri e equipo di rescate di bombero pa saca un di e heridonan for di un di e autonan. Ta trata aki di e V-car V2089 Chevrolet Optra di Amigo Carrental cu a subi caminda principal sin duna preferencia na e Kia Sorento Preto cu tabata biniendo cu velocidad basta halto y cu consecuencia cu esaki ta dal e V car den e banda di chofer, y mande baha for di caminda. Den e V-car tabata tin un dama sinta na banda, tambe den e KIA Sorento tabata tin un persona cu tabata sinti dolor di nek. Na yegada di e equipo di rescate nan a saca e chofer di e Vcar na banda di e pasajero ya cu e otro porta di auto a keda pega. E dama den e V-car a ricibi corta na su brasa y tabata sangrando profusamente. E situacion di e chofer di e V-car tabata mas serio y e personal di ambulans a dune oxigeno mesora. Ambulans a atende tur tres herido na e sitio y depues nan a ser transporta den 3 diferente ambulans.