Pick-up cu a ser horta mainta a causa un accidente na Palm beach y e hoben manehador a cana bay lague

Diadomingo atardi a drenta inforem di un accidente banda di Wendy's Palm Beach, mesora a dirigi un patruya na e sitio. na yegada di e patruya a bin compronde cu e chofer di e pickup a cana bay for di e sitio direccion hotelnan ademas a bin descubri cu aki ta trata di un pick-up cu a ser horta den e oranan di mainta. E hoben chofer flaco lichtbruin, bisti cu flanel berde mint y cu short color camouflage y cu un petchi preto bisti tabata cana bay direccion di e hotelnan polis a confisca e pick-up y ta buscando e hoben chofer. Pa locual ta e accidente mes e chofer di e pick-up cu a ser horta for di mainta ano a regula su velocidad y ni a mantene distancia a bay dal tras di un otro pickup cu tabata lastrando un boto riba trailer.