Na Yucuri dama chofer a cay den un canal canti caminda y ora di subi bek auto a perde control dal riba cura di cas

Diadomingo atardi a drenta informe di un accidente na Yucuri, mesora a dirigi un patruya na e sitio. Na yegada di e patruya a bin compronde cu tin un canal canto di e caminda smal unda e auto a cay den dje y e dama chofer di e Hyundai Accent A33025 a purba subi bek pero e subida aki a pone e auto bay for di control y a bay dal net riba un porta y muraya di un cas. Afortunadamente ningun hende a resulta herida. Riba un di e fotonan por mira unda un dama sa sinta den su cura pega cu e porta, ta net un minuut despues cu e dama a caba di lanta for di eynan cu e auto a accidenta. Por mira con e porta a ser destrui door di e impacto.