Na Moomba Beach pelea formal a laga 3 hende seriamente herida

Dialuna madruga a drenta informe di un pelea formal na Moomba Beach, mesora a dirigi varios patruya na e sitio. Na yegada di e patruya a bin compronde cu un victima cu a resulta seriamente herida a ser hiba cu auto particular. Mientras 2 otro persona cu tambe a resulta herida tabata ainda na e sitio, polis a solicita presencia di ambulans. Na yegada di ambulans nan a atende y a transporta nan pa hospital. E agresornan mes a bandona e sitio.