Na Palm Beach un Honda a pasa den lus cora y a dal auto sigui core bay bandona sitio di accidente

Diabierna mainta a drenta informe di un accidente hit and run na Palm Beach banda di Mc. Donalds, mesora a dirigi un patruya na e sitio. Na yegada di e patruya a bin compronde cu un Honda biña A56255 cu tabata biniendo for di hotelnan bayendo straight pariba a pasa den lus cora y a bay dal riba un Honda CRV cu tabata bini di nort bayendo zuid e impacto tabata fuerte y a manda e CRV perde control dal e lusnan di trafico pa peaton crusa y despues bay para banda di caminda. E auto cu a pasa den cora a sigui bay pariba un rato despues e patruya a bin haya e auto para na e cas di e doño. Polis a confisca e auto pa mas investigacion