Wiel patras di auto a kibra completo mandando auto bolter y drenta mondi na Buenavista

Diabierna atardi a drenta informe di cu un auto lo a bolter pariba di cura di airport y tin hende herida, mesora a dirigi tanto polis como ambulans na e sitio. Na yegada di e patruya a bin compronde cu e Chevrolet blanco su wiel patras di auto a kibra completo y esaki a pone cu e chofer a perde control riba e stuur y a bolter drenta mondi. Debi na e impacto aki e chofer a resulta herida. Un ambulans cu pa casualidad tabata pasando eybanda a baha atende e chofer cu lo a fractura su brasa.