Dama chofer no a regula velocidad ni mantene distancia a bay dal tras di 2 auto su dilanti

Diadomingo mainta a drenta informe di un accidente cu hende herida na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu e dama chofer di e Mitsubishi Lancer shinishi A32408 bayendo nort no a regula su velocidad y ni a mantene distancia a bay dal tras di e Daihatsu Sirion cora A683 cual consecutivamente a bay dal tras di un Daihatsu Sirion shinishi A45700. Tanto e dama chofer di e Lancer como tambe e dama di e Sirion shinishi a resulta herida. na yegada di e prome ambulans nan a atende e dama chofer di e Lancer mientras a atende tambe e dama chofer di e Sirion y na yegada di e otro ambulans nan a transporta ambos dama pa hospital.